Instagram સહાય કેન્દ્ર

Instagram સેવા

અમે તમને Instagram સેવા પ્રદાન કરવા માટે સંમત છીએ. આ સેવામાં તે બધા જ Instagram ઉત્પાદનો, તેની સુવિધાઓ, એપ્લિકેશનો, સેવાઓ, તકનીકો અને સૉફ્ટવેરનો સમાવેશ થાય છે જેને અમે Instagram ના આ લક્ષ્યને આગળ ધપાવવા માટે પ્રદાન કરીએ: તમે પસંદ કરો છો તે લોકો અને વસ્તુઓની નજીક લઈ જવા. આ સેવા નીચે મુજબના પાસાઓથી બનેલ છે (“સેવા”):

• બનાવવાની, જોડાવાની, સંચાર, શોધ અને શેર કરવા માટે અનુરૂપ બનાવેલ તકો ઑફર કરવી.
  લોકો અલગ-અલગ પ્રકારના હોય છે. અમે તમારા માટે ખરેખર મહત્વપૂર્ણ હોય તેવા શેર કરેલ અનુભવોના માધ્યમથી તમારા સંબંધોને સુદૃઢ બનાવવા માંગીએ છીએ. તેથી, અમે એવી પ્રણાલીઓ વિકસાવી છે જે તમારા અને અન્ય લોકો માટે મહત્વપૂર્ણ હોય તે વસ્તુઓને સમજવાનો પ્રયત્ન કરે છે અને એ માહિતીનો ઉપયોગ કરીને તમારા માટે મહત્વના હોય તેવા અનુભવોને બનાવવામાં, શોધવામાં, તેનાથી જોડાવામાં અને શેર કરવામાં તમારી સહાય કરે છે. તમે જેમાં કદાચિત રુચિ ધરાવતાં હો તેવી સામગ્રી, સુવિધાઓ, ઑફર અને એકાઉન્ટને હાઇલાઇટ કરવું અને તમે તથા અન્ય લોકો, Instagram પર અને તેની બહાર કરો છો તે વસ્તુઓના આધારે, Instagram નો અનુભવ કરવા માટે તમને અલગ-અલગ રીતો પ્રદાન કરવી એ તેનો ભાગ છે.
• એક હકારાત્મક, સમાવર્તી અને સુરક્ષિત પર્યાવરણને પ્રોત્સાહિત કરવું.
  અમે સાધનોનો વિકાસ અને ઉપયોગ કરીએ છીએ તથા અમારા સમુદાયના સભ્યોને એવા સંસાધનો ઑફર કરીએ છીએ જેનાથી તેઓને તેમના અનુભવને હકારાત્મક અને સમાવર્તી બનાવવામાં સહાય મળી રહે, જેમાં એ પળો પણ સામેલ છે જ્યારે અમને લાગે કે તેઓને સહાયની જરૂર પડી શકે છે. અમારી પાસે અમારી શરતો તથા નીતિઓના ઉલ્લંઘન અને દુરુપયોગ તેમજ નુકસાનકારક અને ભ્રામક વર્તણૂકનો સામનો કરવા માટેની ટીમ અને પ્રણાલીઓ પણ છે. અમે અમારા પ્લેટફોર્મને સુરક્ષિત રાખવા માટે તમારી માહિતી સહિત-અમારી પાસેની બધી જ માહિતીનો ઉપયોગ કરીએ છીએ. અમે દુરુપયોગ કે નુકસાનકારક સામગ્રી વિશેની માહિતીને Facebook ની અન્ય કંપનીઓ અથવા કાયદા બજવણી સંસ્થાઓની સાથે પણ શેર કરી શકીએ છીએ. ડેટા પોલિસીમાં વધુ જાણો.
• અમારા વધતાં જતાં સમુદાયને સતત સેવા પ્રદાન કરવા માટે તકનીકોનો વિકાસ અને ઉપયોગ કરવો.
  અમારા વધતાં જતાં સમુદાય માટે માહિતીને ગોઠવવી અને તેનું વિશ્લેષણ કરવું તે અમારી સેવા માટે મહત્વપૂર્ણ છે. અમારી સેવાનો એક મોટો ભાગ બહોળા વૈશ્વિક સમુદાયને અતિશય મોટાપાયા પર અમારી સેવાને અનુરૂપ બનાવવા, સંરક્ષિત કરવા અને તેને બહેતર બનાવવામાં અમારી સહાય કરતી અત્યંત આધુનિક તકનીકોને બનાવી તથા ઉપયોગમાં લઈ રહ્યું છે. આર્ટિફિશ્યલ ઇન્ટેલિજન્સ અને મશીન લર્નિંગ જેવી તકનીકો અમને અમારી તમામ સેવાઓમાં જટિલ પ્રક્રિયાઓને લાગુ કરવાનું સામર્થ્ય આપે છે. અમારી સેવાની કાર્યપ્રણાલી અને અખંડિતતાને સુનિશ્ચિત કરવામાં સ્વચાલિત તકનીકો પણ અમારી સહાય કરે છે.
• Facebook કંપનીના બધા જ ઉત્પાદનો પર સતત અને વિક્ષેપ વિનાનો અનુભવ પ્રદાન કરવો.
  Instagram એ Facebook કંપનીઓનો એક ભાગ છે, જે બહેતર, વધુ સુરક્ષિત અને વધુ સલામત સેવાઓ પ્રદાન કરવા માટે તકનીકો, પ્રણાલીઓ, અંતઃદૃષ્ટિ અને તમારા વિશેની અમારી પાસે રહેલ તમારી માહિતી સહિતની માહિતીની શેર કરે છે (આ વિશે ડેટા નીતિમાં વધુ જાણો). તમે ઉપયોગ કરી રહ્યા હો તે તમામ Facebook કંપનીના ઉત્પાદનો પર પરસ્પર આદાન-પ્રદાન કરવાના માર્ગ પણ અમે પ્રદાન કરીએ છીએ અને અમે એવી પ્રણાલીઓની રચના કરી છે જેનાથી તમને, Facebook કંપનીના ઉત્પાદનો પર વિક્ષેપ વિનાનો અને સુસંગત અનુભવ મળી રહે.
• અમારી સેવા માટે એક સ્થાયી વૈશ્વિક આધારરૂપ સંરચનાને સુનિશ્ચિત કરવી.
  અમારી વૈશ્વિક સેવા પ્રદાન કરવા, અમારા માટે તમારા નિવાસના દેશની બહારના વિસ્તાર સહિત, સમગ્ર વિશ્વમાં રહેલી અમારી પ્રણાલીઓમાં ડેટાનો સંગ્રહ કરવો અને તેને સ્થાનાંતરિત કરવું આવશ્યક છે. આ આધારરૂપ સંરચના Facebook, Inc., Facebook Ireland Limited અથવા તેના ભાગીદારો દ્વારા કદાચિત સંચાલિત હોય કે તેમની માલિકીની હોય તેવું બની શકે.
• તમારા માટે મહત્વની હોય તે રીત પ્રમાણે બ્રાન્ડ, ઉત્પાદનો અને સેવાઓ સાથે તમને જોડવા.
  અમારા મતે તમારા માટે મહત્વની હશે એવી જાહેરાતો, ઑફર અને અન્ય પ્રાયોજિત સામગ્રી દર્શાવવા માટે અમે Instagram અને Facebook કંપનીના અન્ય ઉત્પાદનો તેમજ તૃતીય-પક્ષના ભાગીદારો પાસેથી મળેલ ડેટાનો ઉપયોગ કરીએ છીએ. અને અમે તેને તમારા Instagram પરના બાકીના બધા જ અનુભવોની જેમ જ એ સામગ્રીને સુસંગત બનાવવાનો પ્રયત્ન કરીએ છીએ.
• સંશોધન અને નવીનીકરણ.
  અમે અમારી પાસે રહેલ માહિતીનો ઉપયોગ, અમારી સેવાઓનો અધ્યયન કરવા તથા અમારી સેવાને બહેતર બનાવવા અને અમારા સમુદાયના કલ્યાણમાં યોગદાન આપવા માટે સંશોધન કરવા અન્ય લોકોની સાથે સહયોગ કરવા માટે કરીએ છીએ.

ડેટા પોલિસી

અમારી સેવા પ્રદાન કરવા માટે તમારી માહિતીને એકત્ર કરવી અને તેનો ઉપયોગ કરવો જરૂરી છે. અમે તમામ Facebook ઉત્પાદનો પર માહિતીને કઈ રીતે એકત્રિત કરીએ છીએ, તેનો ઉપયોગ કરીએ છીએ અને શેર કરીએ છીએ તે અંગે ડેટા નીતિમાં સમજાવવામાં આવેલ છે. તે તમને Instagram ગોપનીયતા અને સુરક્ષા સેટિંગ્સ સહિત તમે તમારી માહિતી પર નિયંત્રણ રાખી શકો તે માટેની ઘણી રીતોને પણ સમજાવે છે.

તમારી પ્રતિબદ્ધતાઓ

• તમારી ઉંમર ઓછામાં ઓછી 13 વર્ષની હોવી જોઈએ.
• જો તમે એક લાગુ પડતી નકારવામાં આવતા પક્ષોની યાદી પર હોવ, તો તમને લાગુ પડતાં કાયદા હેઠળ અમારી સેવાના કોઈપણ પાસાને મેળવવાથી અથવા પેમેન્ટથી સંબંધિત કોઈપણ સેવા સાથે જોડાવાથી પ્રતિબંધિત ન હોવા જોઈએ.
• અમે આ પહેલાં તમારા એકાઉન્ટને કાયદાના કે અમારી કોઈપણ પોલિસીના ઉલ્લંઘન બદલ બંધ કરેલું ન હોવું જોઈએ.
• તમે કોઈ જાતીય ગુનાના અપરાધી ન હોવા જોઈએ.

• તમે બીજી કોઈ વ્યક્તિ હોવાનો ઢોંગ નથી કરી શકતાં કે ખોટી માહિતી આપી શકતાં નથી.
  તમારે Instagram પર તમારી ઓળખ જાહેર કરવાની નથી, પરંતુ તમારે અમને સાચી અને સચોટ માહિતી (નોંધણીની માહિતી સહિત) પ્રદાન કરવી આવશ્યક છે. ઉપરાંત, તમે ન હોવ એવી કોઈ વ્યક્તિનો ઢોંગ કરી શકતાં નથી અને તમને જ્યાં સુધી તે વ્યક્તિની સ્પષ્ટ પરવાનગી મળી ન હોય, ત્યાં સુધી તમે બીજી કોઈ વ્યક્તિ માટે એકાઉન્ટ બનાવી નથી શકતાં.
• તમે કંઈપણ ગેરકાયદેસર, ગેરમાર્ગે દોરનાર કે કપટપૂર્ણ પ્રવૃત્તિ કે ગેરકાયદેસર અથવા અનધિકૃત હેતુ માટે કોઈ પ્રવૃત્તિ કરી શકતાં નથી.
• તમે આ શરતો અથવા અમારી નીતિઓનું ઉલ્લંઘન (અથવા અન્ય લોકોને તેનું ઉલ્લંઘન કરવામાં સહાય કે તે માટે પ્રોત્સાહન આપી) નથી શકતાં, જેમાં ખાસ કરીને Instagram સમુદાય દિશાનિર્દેશો, Instagram પ્લેટફોર્મની નીતિ અને સંગીતના દિશાનિર્દેશોનો સમાવેશ થાય છે. કોઈપણ આચરણ કે સામગ્રી અંગે કેવી રીતે જાણ કરવી તે વિશે અમારા સહાય કેન્દ્રમાં જાણો.
• તમે સેવાની કામગીરીના હેતુસર સંચાલનમાં ખલેલ પહોંચે અથવા તેને હાનિ પહોંચે એવું કંઈ જ નહીં કરી શકો.
• તમે અનાધિકૃત રીતે એકાઉન્ટ બનાવવા કે તેને ઍક્સેસ કરવાનો કે માહિતીને એકત્રિત કરવાનો પ્રયત્ન નથી કરી શકતાં.
  આમાં અમારી સ્પષ્ટ પરવાનગી વિના એક સ્વચાલિત રીતે એકાઉન્ટ બનાવવાનો કે માહિતી એકત્રિત કરવાનો સમાવેશ થાય છે.
• તમે (તમારા યુઝરનેમ સહિત) તમારા એકાઉન્ટના કોઈપણ પાસાને ખરીદવા, વેચવા કે ટ્રાંસ્ફર કરવાનો પ્રયત્ન કરી શકતાં નથી અથવા તમે અન્ય યુઝરની લોગ ઇન અંગેની માહિતી અથવા બેજ માંગવાનો, એકત્રિત કરવાનો કે ઉપયોગ કરવાનો પ્રયત્ન કરી શકતાં નથી.
• તમે ખાનગી કે ગોપનીય માહિતીને પોસ્ટ કરી શકતાં નથી અથવા એવું કંઈ કરી શકતાં નથી કે જેનાથી બૌદ્ધિક સંપદા સહિત બીજી કોઈ વ્યક્તિના અધિકારનું ઉલ્લંઘન થાય.
  કોઈપણ સામગ્રીની જાણ કેવી રીતે કરવી જે તમારા મતે તમારી બૌદ્ધિક સંપદાના હકોનો ભંગ કરતી હોય તે સહિત અહીં વધુ જાણો.
• તમે અમારી પૂર્વ લિખિત સંમતિ મેળવ્યાં વિના તમારા યુઝરનેમમાં કોઈ ડોમેન નામ કે URLનો ઉપયોગ નથી કરી શકતાં.

• અમે તમારા કન્ટેન્ટની માલિકીનો દાવો કરતા નથી, પરંતુ તમે અમને તેનો ઉપયોગ કરવા માટેની પરવાનગી આપો છો.
  તમારા કન્ટેન્ટમાં રહેલા તમારા અધિકારો વિશે કંઈ જ બદલતું નથી. તમારા એવા કન્ટેન્ટની માલિકીનો દાવો કરતા નથી કે જેને તમે સેવા પર અથવા સેવા મારફતે પોસ્ટ કરો છો. તેના બદલે, તમે જ્યારે એવા કન્ટેન્ટને અમારી સેવા પર અથવા તેની સાથે જોડાયેલ હોય એ રીતે શેર કરો, પોસ્ટ કરો અથવા અપલોડ કરો કે જે બૌદ્ધિક સંપદાના અધિકારો હેઠળ આવરી લેવામાં આવતી હોય (જેમ કે ફોટા અથવા વીડિયો), તો ત્યારે તમે અમને તમારા કન્ટેન્ટને હોસ્ટ કરવા, ઉપયોગ કરવા, વિતરિત કરવા, સંશોધિત કરવા, ચલાવવા, કોપિ કરવા, સાર્વજનિક કરવા અથવા પ્રદર્શિત કરવા, અનુવાદ કરવા અને વ્યુત્પન્ન કાર્યો બનાવવા માટે (તમારી પ્રાઇવસી અને ઍપ્લિકેશન સેટિંગને અનુરૂપ) એક નોન-એક્સક્લુઝિવ, રૉયલ્ટી-મુક્ત, ટ્રાંસ્ફર કરવા યોગ્ય, પેટા લાઇસન્સ અને વિશ્વવ્યાપી લાઇસન્સ આપો છો. તમે તમારા કન્ટેન્ટ અથવા તમારા એકાઉન્ટને ડિલીટ કરીને કોઈપણ સમયે આ લાઇસન્સને સમાપ્ત કરી શકો છો. જો કે, જો તમે એ કન્ટેન્ટને અન્ય લોકોની સાથે શેર કર્યો હશે અને તે લોકોએ તેને ડિલીટ કરેલ ન હોય, તો તે દેખાતું રહેશે. અમે, માહિતીનો કેવી રીતે ઉપયોગ કરીએ છીએ અને તમારા કન્ટેન્ટને કેવી રીતે ડિલીટ કરવું અથવા તેને નિયંત્રિત કરવું તે વિશે વધુ જાણવા માટે, ડેટા પોલિસીની સમીક્ષા કરો અને Instagram સહાયતા કેન્દ્રની મુલાકાત લો.
• તમારા યુઝરનેમ, પ્રોફાઇલ ફોટા અને એકાઉન્ટ, જાહેરાતો અને પ્રાયોજિત કન્ટેન્ટની સાથેના તમારા સંબંધો અને એક્શન વિશેની માહિતીને ઉપયોગમાં લેવાની પરવાનગી.
  તમે અમને તમારા યુઝરનેમ, પ્રોફાઇલ ફોટા અને તમારી એક્શન (જેમ કે લાઇક) અથવા સંબંધો (જેમ કે ફોલો) વિશેની માહિતીને તમારા દ્વારા ફોલો કરવામાં આવતા અથવા સહભાગી થનારા એકાઉન્ટ, જાહેરાતો, ઓફર અને Facebook પ્રોડક્ટ પર દર્શાવવામાં આવનાર અન્ય પ્રાયોજિત કન્ટેન્ટની સાથે અથવા તેના સંબંધમાં કોઈપણ વળતર વિના, દર્શાવવાની પરવાનગી આપો છો. દાખલા તરીકે, અમે એક એવી બ્રાન્ડ કે જેણે Instagram પર તેની જાહેરાતો પ્રદર્શિત કરવા માટે અમને પેમેન્ટ કરેલ હોય તેના દ્વારા બનાવવામાં આવેલ પ્રાયોજિત પોસ્ટને તમે લાઇક કરેલ છે તે બતાવી શકીએ છીએ. જેમ અન્ય સામગ્રી પરની ક્રિયાઓ અને અન્ય એકાઉન્ટના અનુસરણની સાથે થાય છે, તેમ પ્રાયોજિત સામગ્રીઓ પરની ક્રિયાઓ અને પ્રાયોજિત એકાઉન્ટના અનુસરણને ફક્ત એવા જ લોકો જોઈ શકશે કે જેમને તે સામગ્રી જોવાની પરવાનગી હોય અથવા અનુસરવાની પરવાનગી હોય. અમે તમારી જાહેરાત સેટિંગનું પાલન પણ કરીશું. તમે તમારી જાહેરાત સેટિંગ વિશે અહીં વધુ જાણી શકો છો.
• તમે સંમત થયાં છો કે અમે તમારા ડિવાઇસ પર એ સેવા માટેના અપડેટને ડાઉનલોડ અને ઇન્સ્ટોલ કરી શકીએ છીએ.

અમે જાળવી રાખીએ છીએ તે વધારાના અધિકારો

• જો તમે તમારા એકાઉન્ટ માટે એવા કોઈ વપરાશકર્તાનામ કે સમાન ઓળખકર્તાને પસંદ કરો, તો અમને યોગ્ય કે જરૂરી લાગે તો તેને કદાચિત અમે બદલી શકીએ છીએ (દાખલા તરીકે, જો તે કોઈ વ્યક્તિની બૌદ્ધિક સંપદાનું ઉલ્લંઘન કરે અથવા અન્ય વ્યક્તિ હોવાનો ઢોંગ કરે).
• જો તમે, અમારી પાસે હોય તે બૌદ્ધિક સંપદાના હકો દ્વારા આવરવામાં આવેલ સામગ્રીનો ઉપયોગ કરો અને તેને અમારી સેવામાં ઉપલબ્ધ કરાવો (દાખલા તરીકે, અમે પ્રદાન કરીએ છીએ તે ચિત્રો, ડિઝાઇન, વિડિઓ અથવા અવાજો અને જેને તમે બનાવો છો અથવા શેર કરો છો તે સામગ્રીમાં ઉમેરો), તો અમે અમારી સામગ્રી પર તમામ અધિકારોને જાળવી રાખીશું (પરંતુ તમારી સામગ્રી પર નહીં).
• તમે અમારા બ્રાંડ દિશાનિર્દેશો દ્વારા સ્પષ્ટ પરવાનગી મુજબ અથવા અમારી લેખિત પરવાનગી પછી જ અમારી બૌદ્ધિક સંપદા અને ટ્રેડમાર્ક અથવા સમાન ચિહ્નોનો ઉપયોગ કરી શકો છો.
• તમારે અમારા સોર્સ કોડને સંશોધિત કરવા, તેનાથી વ્યુત્પન્ન કાર્ય કરવા, તેને ડિકમ્પાઇલ કરવા અથવા અમારી પાસેથી તેને મેળવવાના પ્રયત્નો કરવા માટે, અમારી પાસેથી લિખિત પરવાનગી અથવા ઓપન સોર્સ લાઇસન્સ હેઠળ પરવાનગી મેળવવી આવશ્યક છે.

કન્ટેન્ટ દૂર કરવું અને તમારા એકાઉન્ટને બંધ અથવા સમાપ્ત કરવું

• જો અમને લાગે કે તમે સેવા પર શેર કરો છો તે કોઈપણ કન્ટેન્ટ અથવા માહિતી આ ઉપયોગની શરતો, અમારી પોલિસી (અમારી Instagram કોમ્યુનિટીની માર્ગદર્શિકા સહિત)નું ઉલ્લંઘન કરે છે અથવા કાયદા દ્વારા અમારા માટે આવું કરવું જરૂરી હોવા પર અમે તેને દૂર કરી શકીએ છીએ. અમે તમને તાત્કાલિક ધોરણથી આ સેવાને પૂર્ણ રૂપે અથવા તેના ભાગને પ્રદાન કરવા માટે ઇનકાર કરી શકીએ છીએ અથવા પ્રદાન કરવાનું રોકી શકીએ છીએ (જેમાં તમારા એકાઉન્ટને સમાપ્ત કરવાનો અથવા બંધ કરવાનો સમાવેશ થાય છે) જો તમે: આ ઉપયોગની શરતો, અમારી (Instagram કોમ્યુનિટીની માર્ગદર્શિકા સહિત), અમારી પોલિસીનું સ્પષ્ટપણે, ગંભીરતાપૂર્વક અથવા વારંવાર ઉલ્લંઘન કરો છો, જો તમે અન્ય લોકોના બૌદ્ધિક સંપદાના હકોનું વારંવાર ઉલ્લંઘન કરો છો અથવા જ્યાં પણ અમારા માટે કાયદા દ્વારા આમ કરવાની જરૂર પડે. જો અમે અમારી કોમ્યુનિટીની માર્ગદર્શિકાનું ઉલ્લંઘન કરવા બદલ તમારા કન્ટેન્ટને દૂર કરવા માટે એક્શન લઈએ અથવા તમારા એકાઉન્ટને બંધ અથવા સમાપ્ત કરીએ, તો જ્યાં પણ યોગ્ય હશે ત્યાં અમે તમને જણાવીશું. જો તમે એવું માનતા હોવ કે તમારા એકાઉન્ટને ભૂલથી સમાપ્ત કરી દેવામાં આવ્યું છે અથવા તમે તમારા એકાઉન્ટને બંધ અથવા કાયમી રીતે ડિલીટ કરવા માંગતા હો, તો અમારા સહાયતા કેન્દ્રનો સંદર્ભ લો.
• તમે જે કન્ટેન્ટને ડિલીટ કરો છો તે હજુ પણ એક મર્યાદિત સમય સુધી બેક-અપ કોપિમાં રહી શકે છે અને અન્ય લોકોએ જ્યાં તેને શેર કર્યું હોય ત્યાં તે હજુ પણ દેખાઈ શકે છે. આ ફકરો અને “અમારો કરાર અને જો અમે અસંમત થઈએ તો શું થશે” નામનો નીચે આપેલો વિભાગ, તમારું એકાઉન્ટ સમાપ્ત કરી કે ડિલીટ કરી દેવામાં આવે તે પછી પણ લાગુ રહેશે.

અમારો કરાર અને જો અમે અસમંત થઈએ તો શું થાય છે

• આ સેવા પર, તમારા દ્વારા મ્યુઝિકનો ઉપયોગ અમારી મ્યુઝિક માર્ગદર્શિકાને આધીન રહેશે અને તમારા દ્વારા અમારા APIનો ઉપયોગ, અમારી પ્લેટફોર્મ માર્ગદર્શિકાને આધીન રહેશે. જો તમે અમારી અન્ય ચોક્કસ સુવિધાઓ અથવા સંબંધિત સેવાઓનો ઉપયોગ કરશો, તો તમને વધારાની શરતોની સાથે સંમત થવાની તક પૂરી પાડવામાં આવશે જે અમારા કરારનો એક ભાગ પણ બની જશે. ઉદાહરણ તરીકે, જો તમે પેમેન્ટની સુવિધાનો ઉપયોગ કરશો, તો તમને કોમ્યુનિટી પેમેન્ટની શરતો સાથે સંમત થવા માટે કહેવામાં આવશે. જો આમાંની કોઈપણ શરતોનો આ કરારની સાથે વિરોધાભાસ ઊભો થાય, તો તે અન્ય શરતો જ અમલમાં રહેશે.
• જો આ કરારનું કોઈપણ પાસું બિન-અમલપાત્ર હોય તો, બાકીનો કરાર અમલમાં રહેશે.
• અમારા કરારમાં થનાર કોઈપણ સુધારો-વધારો કે તેમાંના હકઅધિકારનો પરિત્યાગ લેખિતમાં હોવું જોઈએ અને તેના પર અમારી સહી હોવી જોઈએ. જો અમે આ કરારના કોઈપણ પાસાના અમલીકરણમાં નિષ્ફળ જઈએ, તો તે હકઅધિકારનો પરિત્યાગ હશે નહીં.
• અમે તેવા તમામ અધિકારોને અનામત રાખીએ છીએ જે તમને સ્પષ્ટરૂપે આપેલ ન હોય.

• આ કરાર કોઈપણ ત્રાહિત પક્ષોને અધિકાર આપતો નથી.
• તમે અમારી સંમતિ વિના આ કરાર હેઠળના તમારા અધિકારો કે જવાબદારીઓને ટ્રાંસ્ફર કરી નહીં શકો.
• અમારા અધિકારો અને જવાબદારીઓ અન્યને સોંપવામાં આવી શકે છે. દાખલા તરીકે, અમારી માલિકી બદલાવા પર (વિલીનીકરણ, હસ્તાંતરણ અથવા મિલકતના વેચાણમાં બનતું હોય છે તેમ) અથવા કાયદા દ્વારા આવું બની શકે છે.

• અમે તમને અમારી સેવા પ્રદાન કરવા અને તેને સુરક્ષિત, સલામત, અને ભૂલ-મુક્ત પર્યાવરણમાં રાખવા માટે અમારા વ્યાજબી કૌશલ્ય અને દેખરેખનો ઉપયોગ કરીશું, પરંતુ અમે એવી બાંયધરી આપી શકતા નથી કે અમારી સેવા હંમેશાં ખલેલ, વિલંબ અથવા અપૂર્ણતા વિના કાર્ય કરશે. સિવાય કે અમે અમારા વ્યાજબી કૌશલ્ય અને દેખરેખનો ઉપયોગ કરેલો હોય ત્યારે, અમે આ બાબતો માટે જવાબદારીનો સ્વીકાર કરતા નથી: આ શરતોના અમારા દ્વારા ઉલ્લંઘન દ્વારા અથવા અન્યથા અમારા કાર્યો દ્વારા ન થયેલ નુકસાન; આ શરતોમાં પ્રવેશ કરતી વખતે જે અંગે તમારા અને અમારા દ્વારા વાજબી રીતે વિચાર ન થઈ શકેલ હોય તેવી બાબતો દ્વારા થયેલ નુકસાન; તમે જેનો અમારા પ્રોડક્ટ પર સામનો કરો તેવી અન્ય લોકો દ્વારા પોસ્ટ કરવામાં આવેલ વાંધાજનક, અયોગ્ય, અશ્લીલ, ગેરકાનૂની અથવા અન્યથા વાંધાજનક કન્ટેન્ટ અને એવી ઘટનાઓ કે જે અમારા વાજબી નિયંત્રણની બહાર હોય.
• ઉપર દર્શાવેલ બાબતો દ્વારા અમારી બેદરકારીને લીધે થયેલ મૃત્યુ, વ્યક્તિગત ઈજા, અથવા છેતરપિંડી યુક્ત ખોટા અર્થઘટન અંગે અમારી જવાબદારી બાકાત નથી થતી કે મર્યાદિત થતી નથી. તે કાયદા દ્વારા અમને પરવાનગી મળી ન હોય એવી કોઈપણ બાબતોને કરવા માટેની અમારી જવાબદારી પણ શામેલ નથી કરતી કે તેને મર્યાદિત કરતી નથી.

જો તમે એક ગ્રાહક હોવ અને યુરોપિયન યુનિયનના એક સભ્ય દેશમાં નિરંતર રહેવાસી હોય, તો કોઈપણ દાવા, ક્રિયાના કારણ અથવા તમારો અમારી સાથે આ શરતોમાંથી કે તેની સાથે સંબંધિત રીતે કોઈ તકરાર ઊભી થઈ હોય (“દાવો”) તો તેને, તમે જે સભ્ય દેશમાં રહેતાં હોવ તેના કાયદા લાગુ થશે અને આવો દાવો એ દેશના જે અધિકારક્ષેત્ર હેઠળ આવતો હોય તેવી પૂરતી લાયકાતવાળી કોર્ટમાં તમે તમારા દાવાનો ઉકેલ મેળવી શકો છો. બીજા બધા કેસમાં, તમે સંમત થાઓ છો કે જે-તે દાવાનો ઉકેલ રિપબ્લિક ઓફ આયર્લેન્ડમાં આવેલી સક્ષમ કોર્ટમાં લાવવો જરૂરી છે અને તે એ કે કાયદાની જોગવાઈઓના વિરોધાભાસને ધ્યાનમાં લીધા વિના આયર્લેન્ડના કાયદા આ શરતો અને કોઈપણ દાવાને સંચાલિત કરશે.

અમે હંમેશાં પ્રતિસાદ કે અન્ય સૂચનોને આવકારીએ છીએ, પરંતુ અમે તેમનો કોઈપણ જાતના નિયંત્રણો કે તેમના માટે કોઈપણ જાતના વળતર આપ્યા વિના તેનો કદાચિત ઉપયોગ કરીએ અને તેમને ગોપનીય રાખવાની અમારી કોઈ જવાબદારી નથી.

આ શરતોને અપડેટ કરવી